Ótken jyly Pavlodar oblysynda et pen sút óndirisi ulǵaıdy
PAVLODAR. QazAqparat –Ótken jyly Pavlodar oblysynda et pen sút óndirisi ulǵaıdy, dep habarlaıdy QazAqparat tilshisi.
«Jyl qorytyndysy agroónerkásip kesheniniń damý bolashaǵy bar ekenin kórsetti. Sýarmaly jerdiń kólemi 20 myń gektardan asyp, et pen sút óndirisi ulǵaıdy. Sondaı-aq, balyq sharýashylyǵy men aýyl sharýashylyq ónimderin qaıta óńdeý josparymyzda bar.
Budan bólek, aýyl sharýashylyǵy salasyndaǵy ósim 106,6%-dy qurady. Qosymsha agroónerkásiptik keshende ımportty almastyrýdy sýbsıdııalaý jáne yntalandyrý tetikteri iske asyryldy. Nátıjesinde 2 myńnan astam aýyl sharýashylyǵy taýaryn óndirýshiler 25 mlrd teńge qarajat aldy», - dep málimdedi Pavlodar oblysy ákimdiginiń baspasóz qyzmeti.
Baǵanyń ósýine jol bermeý maqsatynda oblystyń Turaqtandyrý qory 2,5 mlrd teńgege tolyqtyrylǵan. Baspasóz qyzmetiniń málimetine saı, qazir qorda 5,4 myń tonna ónim jınaqtalǵan.
