Ótken jyly órtke oranǵan 2,4 mln gektar aýmaq spýtnıktiń kómegimen anyqtaldy
Ortalyq kommýnıkatsııalar qyzmetinde ótken brıfngide Tsıfrlyq damý, ınnovatsııalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov órtterdi anyqtaý boıynsha Qazaqstannyń barlyq aýmaǵyna monıtorıng júrgizilgenin atap ótti.
«Tótenshe jaǵdaılar mınıstrligi úshin sý tasqyny jaǵdaıynda jáne orman, dala órtteri týyndaǵan kezde ýaqtyly sheshim qabyldaý úshin ǵaryshtyq monıtorıng júrgizilýde. Bul tıisti memlekettik jáne aýmaqtyq organdardyń tótenshe jaǵdaı men onyń saldaryn odan ári joıý úshin jedel áreket etýge múmkindik beredi. Nátıjesinde tótenshe jaǵdaılardan keltirilgen zalal azaıady. Monıtorıngpen Qazaqstan aýmaǵynyń 272 mln gektardy qamtydy. Bul 100%-dy quraıdy. 2022 jyly eń kóp órtengen aýmaqtar Shyǵys Qazaqstan oblysynda – 635 myń gektar, Qaraǵandy oblysynda – 492 myń gektar, Pavlodar oblysynda – 223 myń gektar», - dep derekter keltirdi Baýbek Oralmaǵambetov.
Sonymen qatar spıker byltyr Qazaqstan boıynsha 5 683 ruqsat etilmegen qoqys obektileri anyqtalǵanyn aıtty.