Ótken jyly munaı jáne gaz kondensaty eksporty 36,4 mlrd dollarǵa deıin artty
«Ótken jyldaǵy 9 aıdyń qorytyndysy boıynsha tólem balansynyń aǵymdaǵy shoty profıtsıtpen qalyptasyp, saýda balansynyń jaqsarýyna baılanysty 8 mlrd dollardy qurady. Saýda balansynyń profıtsıti ótken jyldyń sáıkes kezeńimen salystyrǵanda 15,7 mlrd dollarǵa ulǵaıyp, 29,2 mlrd dollar boldy», - dedi Ulttyq bank tóraǵasy.
Onyń dereginshe, munaı jáne gaz kondensaty eksportynyń 36,4 mlrd dollarǵa deıin 63,4 paıyzǵa ósýi esebinen taýar eksporty 64,2 mlrd dollarǵa, 48,4 paıyzǵa ulǵaıdy.
«Taýar ımporty 35 mlrd dollarǵa deıin 17,5 paıyzǵa ósti. Sheteldik tikeleı ınvestorlardyń kirisi 3,3 mlrd dollarǵa ulǵaıyp, 19,7 mlrd dollardy qurady. Aǵymdaǵy shottyń profıtsıti turaqsyz. Óıtkeni ol shıkizat baǵasynyń, eń aldymen, munaı baǵasynyń joǵary bolýyna baılanysty», - dedi Ǵalymjan Pirmatov.
