Ótken jyly memlekettik baǵdarlamalardy iske asyrý salasynda 300-den asa sybaılas qylmys anyqtaldy - Qarjy polıtsııasy
ASTANA. QazAqparat - Ótken jyly memlekettik baǵdarlamalar salasyn iske asyrý barysynda 300-den asa sybaılas qylmystar anyqtaldy. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń birinshi orynbasary Andreı Lýkın málim etti.
Onyń aıtýynsha, memlekettik baǵdarlamalardy iske asyrý salasyndaǵy qylmystardyń jolyn kesý úshin ár aýmaqta alǵash ret «Sybaılas jemqorlyq táýekelderiniń tólqujattary» ázirlendi.
«Onda biz jedel bólimshelerimizdiń súıemeldeýin qajet etetin eń krımınogendik salalardy anyqtadyq. Nátıjesinde memlekettik baǵdarlamalar salasyn iske asyrý barysynda 300-den asa sybaılas qylmystar anyqtaldy. Ol 106-dan 321-ge deıin, 3 esege kóbeıgen. Keltirilgen zalal kólemi 6 mlrd.teńgeden asty», - dedi A.Lýkın.
Sondaı-aq, onyń aıtýynsha, sybaılas jemqorlyqtyń uıymdasqan nysandarynyń jolyn kesýge baǵyttalǵan «júıeli sybaılas jemqorlyqqa qarsy» jumystyń jańa tásilderi jasaldy.
Onyń málimetinshe, ótken jyly uıymdasqan qylmystyq toptarǵa basshylyq etýdiń, sondaı-aq onyń ishinde memlekettik organdarynyń ýákiletti tulǵalary qatysqan 6 faktisi anyqtaldy. 2012 jyly mundaı qylmystar múldem anyqtalmaǵan bolatyn.
