Ótken jyly Memleket basshysynyń daǵdarysqa qarsy bastamalary qalaı iske asty

NUR-SULTAN. QazAqparat – Ótken jyly «Qarapaıym zattar ekonomıkasy» aıasynda kásipkerlerge 516 mlrd teńge qaryz berildi. Bul týraly Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Ekonomıkany qoldaý úshin Memleket basshysynyń daǵdarysqa qarsy bastamalaryn iske asyrý jalǵasýda. «Qarapaıym zattar ekonomıkasy» baǵdarlamasyna 2020 jylǵy 31 jeltoqsandaǵy jaǵdaı boıynsha kásipkerlerden 1 trln teńgege 1 373 ótinim kelip tústi. Onyń ishinde bankter jalpy somasy 658,9 mlrd teńgege 854 ótinimdi maquldady, 516,2 mlrd teńgege 778 qaryz berildi», - dedi ol.

Sonymen qatar ol kásipkerlik sýbektilerin jeńildikpen kredıtteý baǵdarlamasy boıynsha 2020 jyly 31 jeltoqsanda kásipkerler 612,5 mlrd teńgege 2 493 ótinim bergenin aıtty.

«474,6 mlrd teńgege 1 733 ótinim maquldandy, 528 mlrd teńgege 5 158 qaryz berildi. Onyń ishinde 136 mlrd teńgege 2 454 qaryz buryn berilgen qaryzdardy óteýden túsken aqsha esebinen berilip otyr», - dedi Erbolat Dosaev.