Ótken jyly Mańǵystaý oblysynda 62 ujymdyq eńbek daýy tirkeldi
«Joǵary táýekelder eńbek salasynda baıqalady. 2021 jyly 62 ujymdyq eńbek daýy tirkeldi, onyń 24-i 3 saǵattan astam jumysty toqtatty. Basty talaptary - jalaqyny arttyrý. Bul «QazMunaıGaz» kompanııasynyń enshiles uıymdary men servıstik qyzmet kórsetetin jeke merdigerlik kompanııalar qyzmetkerleriniń jalaqysynda aıyrmashylyqtardyń bolýyna, sondaı-aq qyzmetter úshin ártúrli tarıfterge baılanysty», - dedi ol Úkimettiń keńeıtilgen otyrysynda.
Óńir basshysynyń aıtýynsha, budan basqa, birqatar kompanııa jalaqyny arttyrý jáne áleýmettik paketti jaqsartý maqsatynda mekemelerin memleket qaramaǵyna ótkizý týraly talaptardy kóterip keledi.
«Sonymen qatar, birqatar kompanııalarda jalaqyny ýaqtyly tólemeý, jalaqyny jáne áleýmettik paketti arttyrýǵa qatysty problemalar bar. Búginge oblystaǵy kompanııalar shtattyq rejımde jumys jasaýda, eńbek daýy máselesi ákimdiktiń turaqty baqylaýynda. Ákimdik eńbek daýy máseleleri boıynsha Úkimet pen «QazMunaıGaz» kompanııasy jáne basqa da memlekettik organdarmen birlesip sheshimder qabyldaýda. Jalpy áleýmettik áriptestik boıynsha óńirde úshjaqty komıssııa jumys jasaıdy. Ákimdik mekemelermen birlesip máselelerdi osy komıssııada qarastyryp keledi», - dedi Nurlan Noǵaev.
