Ótken jyly qyzylordalyq qutqarýshylar 151 adamdy ajaldan aman alyp qaldy - TJD
QYZYLORDA. QazAqparat-Qyzylorda oblysynda «Ońtústik óńirlik aeroutqyr jedel-qutqarý jasaǵynyń» kómegimen 16 jyl ishinde 3396 adam qutqaryldy, dep habarlady QazAqparat tilishis oblystyq TJD qyzmetine silteme jasap.
2002 jyldyń qańtar aıynyń 25-i kúni Ádilet mınıstrliginde Qazaqstan Respýblıkasy Tótenshe jaǵdaılar agenttigi «Ońtústik óńirlik aeromobıldik jedel qutqarý jasaǵy» memlekettik mekemesi bolyp tirkelip, osy kún qutqarý jasaǵynyń kúni bolyp eseptelip keledi.
Qazaqstan Respýblıkasy Іshki ister mınıstrligi Tótenshe jaǵdaılar komıtetiniń Ońtústik óńirlik aeroutqyr jedel-qutqarý jasaǵynyń qurylǵanyna 16 jyl toldy.
Qutqarý jasaǵy qurylǵan kúninen bastap qutqarýshylar 8679 shaqyrtýǵa shyǵyp, 3396 adamdy qutqardy. Onyń 1763-i balalar. Sonymen qatar tótenshe jaǵdaı aımaǵynan 33310 adam evakýatsııalanyp, 213 zardap shegýshilerge alǵashqy dárigerlikke deıingi kómek kórsetildi.
Tek 2017 jyldyń ishinde qutqarýshylar 649 ártúrli sıpattaǵy shaqyrtýǵa shyǵyp, onda 151 adamdy qutqardy.
