Ótken jyly Qytaıdan Qazaqstanǵa 4 mln sálemdeme jiberilgen
Búgin Qytaıda «Qazposhta» AQ men China Post Group ókilderi arasynda tıisti shartqa qol qoıyldy.
«Elektrondy kommertsııa naryǵynyń álemdegi jyl saıynǵy ósimi 30%-dan astamdy quraıdy jáne munda negizgi qarqyn qytaı ınternet-alańdaryna tıesili. Qazaqstanǵa keletin poshtanyń jalpy kóleminiń 30 paıyzdan astamy qytaı sálemdemeleriniń úlesinde jáne olardyń sany jyldan-jylǵa artyp keledi. Eger 2014 jyly olardyń sany 2,5 mln. dana bolsa, 2015 jyly 3,6 mln. danaǵa jetti. Bul kórsetkish ótken jyly 4 mln. danany qurady. 2017 jyldyń birinshi toqsanynda ótken jyldyń sáıkes kezeńimen salystyrǵanda poshta kóleminiń 2 ese óskendigin belgiledik, ıaǵnı 0,8 mln.-nan 1,6 mln danaǵa», - dep atap ótti «Qazposhta» basshysy Saken Sarsenov.
«Sálemdemelerdi jetkizý merzimi turǵysynda da damýǵa nıettimiz jáne servıs sapasyn arttyrý úshin qytaı tarapyna merzimdi eki esege qysqartýǵa usynys jasadyq. ıAǵnı QHR-dan qabyldanǵan sátten bastap, QR-ǵa jetkizilgenge deıin shamamen 18 kún bolmaq», - dedi ol.
Eske sala keteıik, ótken jyly Qazaqstan Respýblıkasynyń Prezıdenti N.Nazarbaev «Úlken jıyrmalyq» elderi sammıtinde QHR basshysymen eki el yntymaqtastyǵyn tereńdetý jóninde, atap aıtqanda, Jibek joly ekonomıkalyq beldeýin qurý týraly ıdeıasyn aıta otyryp, elderdiń tranzıttik-logıstıkalyq áleýetin damytý týraly ekijaqty kezdesý ótkizgen bolatyn. Osy oraıda aıtyp ótken jón, Jibek joly beldeýin jańǵyrtý jónindegi osy bastama elimizdiń tranzıttik áleýetin tolyqtaı ashýǵa baǵyttalǵan Qazaqstannyń «Nurly jol» jańa ekonomıkalyq saıasatymen úndesedi.