Ótken jyly Qytaı 90 myń tonna qazaq astyǵyn satyp aldy
ASTANA. QazAqparat - Ótken jyly Qytaı 90 myń tonna qazaq astyǵyn satyp aldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Premer-Mınıstriniń birinshi orynbasary Baqytjan Saǵyntaev málim etti.
«Aýyl sharýashylyǵy salasynda Qytaı naryǵyna qazaqstandyqty astyqty jetkizý sharalary qabyldanýda. Ótken jyly jetkizilgen astyqtyń jalpy kólemi 90 myń tonnadan asyp jyǵyldy. Saýda-ekonomıkalyq yntymaqtastyq jónindegi shaǵyn komıtettiń jetinshi otyrysy barysynda taraptar aýyl sharýashylyǵy ónimderin satýdaǵy yntymaqtastyq jónindegi birlesken jumys tobyn qurýǵa ýaǵdalasty. Qazirgi ýaqytta Qazaqstan-Qytaı shekarasynda astyq termınalyn salý máselesi qarastyrylýda», - dedi ol.
B.Saǵyntaevtyń atap ótýinshe, astyqtan bólek qytaı naryǵyna Qazaqstannyń metallýrgııalyq ónimderi mys, ferrohrom, temir keni jáne kontsentrattar jetkizilýde.
«2012 jyly Qytaıǵa jetkizilgen mys kólemi 170 myń, 2013 jyly 202 myń tonnany qurady. Bıyl 154 myń tonna mys jóneltý josparlanýda», - dedi B.Saǵyntaev.
