Ótken jyly QTJ shaǵyn stansalarda 87 jańa vokzal saldy
ASTANA. 6 qańtar. QazAqparat - «Qazaqstan temir joly» Ulttyq kompanııasy» AQ ótken jyly shaǵyn stansalarda 87 jańa vokzal saldy,
dep habarlady kompanııanyń baspasóz qyzmetinen.
«Kompanııa 635 shaqyrym magıstraldyq jelini jańǵyrtty. Qaramaǵyna 230 vokzal ǵımaratyn aldy. Shalǵaı stansalardan 87 jańa vokzal saldy», - delingen habarlamada.
Sonymen qatar QTJ negizgi múlik qoryn kóbeıtý maqsatynda 104 jańa lokomotıv, 7134 júk vagony, 34 jolaýshylar vagonyn satyp aldy. Respýblıkaishilik bes jolaýshylar poıyzynyń sapasy men jaılylyǵy jaqsartylsa, jeti baǵytta jańa poıyzdar jolǵa shyqty.
«Kompanııanyń strategııalyq maqsaty - 2015 jylǵa deıin temir jol kóligi mashınasyn jasaýdy jylyna 300 mlrd. teńge kóleminde atqarý jáne otandyq ónim óndirýshilerden satyp alynatyn taýar men qyzmet túrlerin 95 paıyzǵa deıin ósirý», - delingen kompanııa aqparatynda.
