Ótken jyly QR Kóshi-qon zańnamasyn buzǵandarǵa 18 mln. teńgege jýyq aıyppul salyndy
Bul týraly Kóliktegi ІІD baspasóz qyzmeti habarlaıdy.
Meselen, ótken jyly Departamenttiń qyzmet kórsetý aýmaǵynda eki kezeń boıynsha «Zańsyz kelýshi-2014» operatsııasy, sondaı-aq «Mıgrant» jedel aldyn-alý sharasy ótkizildi.
Ótkizilgen sharalardyń nátıjesinde kóshi-qon zańnamasyn buzýǵa qatysty 37 qylmystyq is qozǵaldy. Bul kórsetkish 2013 jylǵa qaraǵanda 6-ǵa kemigen.
Olardyń 16-sy QR memlekettik shekarasyn qasaqana zańsyz kesip ótý (QR 330-baby), 15-i QR aýmaǵynan tys jerge shyǵý týraly sottyń sheshimin oryndamaý, 6-aýy zańsyz kóshi-qon uıymdastyrý (QR QK 330-2-baby) boıynsha qozǵalǵan.
Sondaı-aq, Kóshi-qon zańnamasyn buzǵany úshin 2565 azamat ákimshilik jaýapkershilikke tartyldy. Bul kósetkish 2013 jyly 2353 bolatyn. ıAǵnı kóshi-qon zańyn buzýǵa qatysty ákimshilik jazaǵa tartylǵandar sany 8,2 paıyzǵa artqan.
Jyl boıy kóshi-qon zańnamasynan basqa da ártúrli quqyq buzǵan 3280 sheteldik azamatqa ákimshilik jaza qoldanyldy.
Sot sheshimimen 2013 jyly 28 azamat, 2014 jyly 45 azamat QR aýmaǵynan tysqary shyǵarylǵan. Demek, 2013 jylǵa qaraǵanda elimizdiń aýmaǵynan tysqary shyǵarylǵan sheteldikter sany 55 paıyzǵa artqan.
Sot sheshimin oryndamaǵan 17 sheteldik QRÁQBtK 394-babynyń, 1-tarmaǵymen, sondaı-aq jeke nemese zańdy tulǵalardyń Qazaqstan Respýblıkasynda sheteldikterdiń bolý qaǵıdalaryn buzǵan 42 azamat QRÁQBtK 395-babymen ákimshilik jaýapkershilikke tartyldy.
Jalpy 12 aı ishinde Kóshi-qon polıtsııasy basqarmasy men onyń jelilik bólinisteri kóshi-qon zańnamasyn buzǵan azamattarǵa jalpy kólemi 18 mln. teńgege jýyq aıyppul saldy. Sonymen qatar, qujatsyz júrgen 433 azamat qabyldap - taratý ortalyǵyna ornalastyryldy, onyń ishinde 122 QR-dyń jáne 311 TMD elderiniń azamattary bar.
