Ótken jyly qoǵamdyq keńesterdiń quramy 90% jańardy

ASTANA. QazAqparat – Qoǵamdyq keńester azamattyq qoǵamnyń memorgan qyzmetine aralasýynyń pármendi tetigine aınaldy. Bul týraly QR Aqparat jáne qoǵamdyq damý mınıstri Darhan Qydyráli aıtty, dep habarlaıdy QazAqparat.

«Memleket basshysynyń tapsyrmasy ashyq azamattyq qoǵam qurýdy talap etedi. Atalǵan baǵytta qoǵamdyq baqylaý jáne onlaın petıtsııalar týraly zań jobalary Parlament Májilisinde birinshi oqylymda maquldandy. Qoǵamdyq birlestikter týraly zańǵa ózgerister engiziledi. Qoǵamdyq keńester azamattyq qoǵamnyń memlekettik organdardyń qyzmetine aralasýynyń pármendi tetigine aınaldy», - dedi D. Qydyráli mınıstrliktiń keńeıtilgen alqa otyrysynda.

Mınıstrdiń aıtýynsha, 2022 jyly qoǵamdyq keńesterdiń quramy 90 protsentke jańartyldy.

«Azamattyq bastamalardy qoldaý ortalyǵynyń jumysy qaıta qaralyp jatyr. Aldaǵy ýaqytta onyń baǵyt-baǵdary keshendi ǵylymı zertteýlerge baılanysty bolýy tıis dep oılaımyz», - dedi D. Qydyráli.