Ótken jyly qazaqstandyqtar 6 mln ETsQ alǵan

ASTANA. QazAqparat - Ótken jyly «Azamattarǵa arnalǵan úkimet» memlekettik korporatsııasy 6 mln asa elektrondyq tsıfrlyq qoltańba rásimdedi. Bul 2017 jylǵy kórsetkishpen salystyrǵanda 1,4 mln-ǵa artyq, dep habarlaıdy QazAqparat.

Korporatsııanyń baspasóz qyzmetiniń habarlaýynsha, berilgen ETsQ sanynyń artýy elektrondy úkimet portalyn paıdalanýshy azamattardyń kóbeıgenin bildiredi.

Bul rette HQO-daǵy ózine-ózi qyzmet kórsetý sektory - Connection Point arqyly azamattardyń óz betinshe alǵan elektrondy qyzmetter sany 2018 jyly 12% ósip, 12 mln qurady.

Memlekettik korporatsııanyń 2018 jylǵy qorytyndy esebine sáıkes, 32 mln memlekettik qyzmet kórsetildi, bul 2017 jylmen salystyrǵanda 17% az kórsetkish.

Bul degenimiz memlekettik qyzmetterdi halyqqa qyzmet kórsetý ortalyqtarynan emes, onlaın formatta óz betinshe alatyn azamattardyń sany artqan.

Aıta keteıik, 2018 jyly Almaty men Astana qalalary, Túrkistan oblysynyń turǵyndary eń kóp ETsQ rásimdegen. Máselen, almatylyqtar 803 myń, Túrkistan oblysyndaǵylar 738 myń jáne astanalyqtar 523 myńnan asa elektrondyq tsıfrlyq qoltańba alǵan.