Ótken jyly Qazaqstanda balalarǵa jynystyq sıpattaǵy zorlyq jasaǵan 63 adam sottaldy – QR Joǵarǵy soty
ASTANA. 23 qańtar. QazAqparat /Marlan Jıembaı/ - Ótken jyly Qazaqstanda 63 pedofıl temir tordyń ar jaǵyna toǵytyldy.
Bul týraly búgin elordada ótken baspasóz máslıhatynda QR Joǵarǵy sotynyń resmı ókili Oksana Peters málim etti.
«2011 jyly jalpy respýblıka boıynsha 63 azamat kámelettik jasqa tolmaǵandarǵa qatysty jynystyq zorlyq is-áreketter jasaǵany úshin tıisti jazasyn aldy», - dedi ol.
Máselen, O.Peterstiń atap ótýinshe, taıaýda Aqtóbe oblysynyń qylmystyq ister jónindegi mamandandyrylǵan sotynda alqabılerdiń qatysýymen, 1974 jyly dúnıege kelgen aqtóbelik azamattyń isi qaraldy. Ol áıeli jumysqa ketken kezde 10 jastaǵy ógeı uly men 6 jastaǵy týǵan qyzyna qatysty jynystyq zorlyq is-áreketterin jasap, kámelettik jasqa tolmaǵan jábirlenýshilerdiń densaýlyǵy men psıhıkasyna zaqym keltirgen. Sonymen qatar, sot saraptamasy barysynda sottalýshynyń balalardy uryp-soqqandyǵy jáne mundaı qylmysqa alkogoldik ishimdik ishkennen keıin barǵany belgili bolyp otyr.
«Sot úkimi boıynsha, atalǵan azamat QR Qylmystyq kodeksiniń 121-baby, 4-bólimi boıynsha kináli dep tanylyp, 18 jylǵa bas bostandyǵynan aıyryldy. Jazasyn óteý barysynda sottalýshy alkogoldik táýeldilikten májbúrli túrde emedeletin bolady», - dedi resmı ókil.
