Ótken jyly Qazaqstanda aýyl sharýashylyǵy salasynda qyzmet etetin 30 laýazymdy tulǵa sottaldy
ASTANA. QazAqparat - Ótken jyly Qazaqstanda aýyl sharýashylyǵy salasyn memlekettik retteýdi júzege asyratyn 30 laýazymdy tulǵa sottaldy.
Bul týraly búgin QR Memlekettik qyzmet jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev málim etti, dep habarlaıdy QazAqparat.
«2016 jyldyń qorytyndysynda aýyl sharýashylyǵyn memlekettik retteýdi júzege asyratyn 30 laýazymdy tulǵa sottaldy. 380-nen astam tulǵa ákimshilik jaýapkershilikke tartyldy. Paraqorlyq, urlaý, laýazymdy ókilettikti asyra paıdalaný faktileri aıryqsha keńinen taraǵan», - dedi ol «Atameken» Ulttyq kásipkerler palatasynda ótken selekorlyq rejimdegi keńes barysynda.
Onyń aıtýynsha, jyl saıyn elimizde aýyl sharýashylyǵyn qoldaýǵa bólinetin qarjy kólemi ulǵaıyp otyr.
«Sońǵy 5 jylda bólinetin sýbsıdııa úsh esege ulǵaıyp, 8,9 mlrd. teńgeden 257 mlrd. teńgege deıin jetti. Memlekettik qarjylandyrý kóleminiń artýyna baılanysty jemqorlyq táýekelderdi tyńǵylyqty saraptaý qajettiginiń týyndap otyrýy da zańdylyq», - dedi ol.
