Ótken jyly Qazaqstanda 48 sút fermasy iske qosyldy

NUR-SULTAN. QazAqparat - Elimizde jyl saıyn 35 ónerkásiptik taýarly sút fermasy iske qosylady. Bul týraly ortalyq kommýnıkatsııalar qyzmetinde ótken brıfıngte QR AShM strategııalyq josparlaý jáne taldaý departamentiniń basshysy Sáýle Moldabaeva aıtty, dep habarlaıdy QazAqparat.

Ótken jyly aýyl sharýashylyǵynyń ımporttyq ónimderin almastyrý jospary boıynsha Qazaqstanda 48 taýarly sút fermasy, 3 et kombınaty, et baǵytyndaǵy 8 qus fabrıkasy, balyq óndiretin 3 ferma iske qosylǵan.

1800 gektar jerge qarqyndy alma baqtary otyrǵyzyldy.

«2024 jylǵa deıin Jambyl oblysynda 19 et óndiretin qus fabrıkasyn, 9 et óńdeý kásipornyn, 8 taýarly balyq ósirý jobasyn, sondaı-aq jańa qant zaýytyn iske qosý josparlanýda. Budan bólek, jyl saıyn 35 ónerkásiptik taýarly sút fermasy iske qosylyp, 2 myń qarqyndy baq salynady», - deıdi Aýyl sharýashylyǵy mınıstrligi strategııalyq josparlaý jáne taldaý departamentiniń basshysy Sáýle Moldabaeva.

Onyń aıtýynsha, mınıstrlik júrgizip jatqan jumys 2023 jyldyń sońyna qaraı ımportqa táýeldilik máselesin sheshýge jáne eldiń azyq-túlik táýelsizdigin qamtamasyz etýge múmkindik beredi.