Ótken jyly Qazaqstan eksportynyń kólemi 5 paıyzǵa tómendedi

ASTANA. QazAqparat - Ótken jyly Qazaqstan eksportynyń kólemi 5 paıyzǵa tómendedi. Bul týraly búgin QR Prezıdenti janyndaǵy ortalyq kommýnıkatsııalar qyzmetinde ótken brıfıngte Qazaqstan Ulttyq kásipkerler palatasynyń basqarma tóraǵasy Abylaı Myrzahmetov aıtty.

«Statıstıkalyq derekterge sáıkes ótken jyly ımport kólemi 6 paıyzǵa ósim kórsetti. Al eksportymyz shamamen 5 paıyzǵa tómendedi», - dedi ol.

Jalpy A.Myrzahmetovtiń aıtýynsha, halyq tutynatyn taýarlar ishindegi kólik, turmystyq tehnıkalar syndy qymbat múlikterdiń ótken jylǵy ımporty 8 mlrd. dollardan asyp jyǵylǵan.

«Birden aıta keteıin, olar áleýmettik taýarlar emes. Halyq kúndelikti tutynatyn taýarlardyń barlyǵy da ózimizde shyǵarylady. Búginde ımporttyń úshten biri Reseıden kelýde. Árıne, ol Keden odaǵyndaǵy básekelestiktiń ósýin kórsetip otyr», - dedi basqarma tóraǵasy.