Ótken jyly kásiporyndardyń ınnovatsııalyq belsendilik deńgeıi 4 paıyzdy qurady - Statıstıka agenttigi
ASTANA. Shildeniń 14-i. QazAqparat - 2009 jyly kásiporyndardyń ınnovatsııalyq belsendilik deńgeıi 4,0 paıyzdy qurady.
Bul aqparatty QR Statıstıka agenttiginiń baspasóz qyzmeti taratyp otyr.
Qazirgi ýaqytta ınnovatsııa engizilgen kásiporyndardyń sany 399 birlikke jetken. Olardyń basym bóligi Almaty qalasynda (ınnovatsııalary bar kásiporyndardyń jalpy sanynyń 37,8 paıyzy) ornalasqan. Al bul kórsetkish Qaraǵandyda - 14,0, Shyǵys Qazaqstanda - 11,8, Pavlodarda - 4,8, Aqtóbede - 4,0, Ońtústik Qazaqstanda - 3,8 jáne Astana qalasynda 3,8 paıyzdy quraıdy. Innovatsııalyq ónimderdiń kólemi 82597,4 mln.teńge bolsa, 13854,6 mln. teńge somasyna ınnovatsııalyq sıpattaǵy qyzmetter kórsetilgen.
«Taldanyp otyrǵan kezeńde tehnologııalyq ınnovatsııalarǵa kúrdeli jáne aǵymdaǵy shyǵyndar 61050,9 mln.teńgeni qurady, onyń ishinde 78,2 paıyzy shyǵyndar tehnologııalyq ınnovatsııalarmen baılanysty mashınalar men jabdyqtardy satyp alýǵa, 12,0 paıyzy óndiristik úrdisterdi, jańa ónimderdi zertteýge jáne ázirleýge, al 2,1 paıyzy jańa tehnologııalardy satyp alýǵa baǵyttaldy», delingen baspasóz habarlamasynda.
