19:59, 28 Naýryz 2022 | GMT +5
Ótken jyly Qarjylyq monıtorıng agenttigi 267 zańsyz oıyn mekemesiniń qyzmetin toqtatty
NUR-SULTAN. QazAqparat - 2021 jyly Qarjylyq monıtorıng agenttigi 267 zańsyz oıyn mekemesiniń qyzmetin toqtatty, olardyń ishinde jasyryn kazınolar da bar, dep habarlaıdy QazAqparat agenttiktiń baspasóz qyzmetine silteme jasap.
Zańsyz aınalymnan 5 myńǵa jýyq oıyn avtomattary, termınaldar, poker ústelderi men kompıýterler tárkilendi.
Zańsyz oıyn bıznesindegi jańa trendterge qarsy turý boıynsha sharalardy turaqty taldaý jáne sharalardy jańartý nátıjesinde QMA Aqparat jáne qoǵamdyq damý mınıstrliginiń qatysýymen 4 myńǵa jýyq onlaın oıyn saıttary buǵattaldy.
Agenttik árqashanda zańsyz oıyn oryndary men zańsyz oıyn saıttaryn anyqtap joıýda.
«Egerde Sizdiń úıińizde, aýdanyńyzda zańsyz oıyn mekemeleri bolýy múmkin degen aqparatyńyz bolsa, keıinnen tekserý jáne buzýshylarǵa jaýapkershilik sharalaryn qoldaný úshin 8 (7172) 70-84-78 senim telefony arqyly QMA-ne habarlasýyńyzǵa bolady»,-delingen QR Qarjylyq monıtorıng agenttiginiń baspasóz qyzmeti taratqan aqparatta.