Ótken jyly Intel-diń taza kirisi 11,7 mlrd. dollarǵa deıin ósti
ASTANA. 14 qańtar. QazAqparat - Mıkroelektronıka óndiretin álemdegi eń iri kásiporyn - Intel Corp. korporatsııasynyń taza kirisi ótken jyly 167 paıyzǵa ósip, 2009 jyly alynǵan 4 mlrd. dollarmen salystyrǵanda, 11,7 mlrd dollardy qurady. Mundaı derek keshe jarııalanǵan kompanııa esebinde aıtyldy, dep habarlaıdy RBK.
Esepti merzim ishinde kompanııanyń túsimi 24 paıyzǵa ósip, bir jyl burynǵy 35,1 mlrd. dollarmen salystyrǵanda 43,6 mlrd. dollarǵa deıin artty. 2010 jyldyń qorytyndysy boıynsha kompanııanyń operatsııalyq kirisi 15,9 mlrd. dollardy qurap, 2008 jyly 5,7 mlrd. dollar deńgeıinde belgilengen, ótken jyldyń sáıkes kezeńimen salystyrǵanda 179 paıyzǵa joǵary nátıje kórsetti.
2010 jyldyń IV toqsanynda Intel-diń taza paıdasy 15 paıyzǵa ósip, 3,4 mlrd. dollardy qurady. Esepti merzimniń túsimi 3 paıyzǵa ósip, 10,6 mlrd. dollardan 11,5 mlrd. dollarǵa deıin artty.
