Ótken jyly «Eır Astana» 2 568 286 jolaýshyny tasymaldady
ALMATY. 24 qańtar. QazAqparat /Erbol Azanbek/ - 2010 jyly «Eır Astana» áýe kompanııasynyń ushaqtary 7,45 mıllıard jolaýshy shaqyrymyn ushyp,
2 568 286 jolaýshyny tasymaldaǵan. Bul týraly otandyq áýe kompanııasynyń 2010 jyldyń qorytyndysyna arnalǵan esebinde jarııalandy.
Áýe kompanııasy jalpy alǵanda 27 787 reısti júzege asyrǵan. Kompanııa ókilderi ótken jyldyń tabysty aıaqtalǵanyn aıtady. Máselen, kompanııa ótken jyly 6 Airbus A320 áýe kemelerin satyp alǵan. Olardyń jalpy quny 268 mıllıon dollardy quraıdy. Bunymen qatar birneshe Fokker-50 ushaqtary da áýe kemeleriniń sapyna qosylǵan. Búginde áýe kemeleriniń parki 22 ushaqty quraıdy.
Sondaı-aq ótken jyly áýe kompanııasy Almaty - Úrimji, Almaty - Dýshanbe, Almaty - Tashkent, Almaty - Sankt-Peterbor jáne Astana - Ekaterınbor baǵytynda jańa reısterdi ashqan. Bunymen qatar «Eır Astana» The Skytrax 2010 World Airline Awards júldesiniń «Shyǵys Eýropanyń úzdik kompanııasy» atalymynda úshinshi júldege ıe bolǵan. Bul konkýrs boıynsha júrgizilgen saýalnamada álemniń 100 eliniń 17,9 mıllıon turǵyny Eır Astanany TMD men Ortalyq Azııadaǵy eń úzdik áýe kompanııasy dep belgilegen.
Sondaı-aq ótken jyly kompanııanyń reıtıngi Standard & Poor's tarapynan GAMMA-6 deńgeıine joǵarylatylǵan. Bul qazirgi kezde elimizdegi eń joǵary reıtıng.
Áýe kompanııasy 2011 jyly da jetistikterin ulǵaıtpaq nıette. Mysaly, bıylǵy jyly Boeing 767 ushaqtarynda «Uıyqtaýǵa múmkindik beretin bıznes klass» engizilmek. Bunymen qatar Almaty-Samara, Almaty-Tbılısı baǵyttary ashylatyn bolady. Bul úshin Embraer E-190 ushaqtary alynbaq.
Esterińizge sala keteıik, «Eır Astana» 7-Qysqy Azııa oıyndarynyń resmı áýe tasymaldaýshysy bolyp tabylady.
