Ótken jyly elimizdiń Bilim mınıstrligi 5 JOO-ny lıtsenzııasynan aıyrdy
ASTANA. QazAqparat - Ótken jyly elimizdiń Bilim jáne ǵylym mınıstrligi 5 joǵary oqý ornyn lıtsenzııasynan aıyrdy. Bul týraly atalǵan vedomstvodan «QazAqparat» HAA tilshisiniń resmı saýalyna oraı málim etti.
«Memlekettik baqylaýdyń nátıjesinde 2014 jyly bes joǵary ornynyń lıtsenzııasy keri qaıtarylyp alyndy, 26 oqý ornynyń lıtsenzııasy toqtatyldy jáne 15 jeke menshik kolledj jabyldy», - delingen vedomstvo aqparatynda.
Mınıstrliktiń atap ótýinshe, bilim berý uıymdary óz qyzmetteri toqtatylǵan kezeńde bilim berý salasyndaǵy zańnama talaptarynyń buzylýyn joıýy tıis. Lıtsenzııany toqtatý merzimi aıaqtalǵannan keıin atalǵan bilim ordalaryna qaıta memlekettik baqylaý júrgiziledi.
2015 jylǵy 25 aqpandaǵy málimetterge sáıkes elimizde 55 jeke joǵary oqý orny men 353 jeke kolledj bar.
