Ótken jyly elimizde qoı sanynyń eń joǵary ósimi tirkeldi - AShM
«2020 jyldyń qorytyndylary boıynsha úılesimdi jumys pen ýaqtyly qabyldanǵan sharalardyń arqasynda agroónerkásiptik keshen salasynda is júzinde barlyq makrokórsetkishter boıynsha oń ósý serpini baıqalady. 2020 jyly qoı sharýashylyǵyn damytý maqsatynda memlekettik bıýdjetten 16 mlrd teńge qarajat bólindi. Bul 2019 jyldyń deńgeıimen salystyrǵanda memlekettik qoldaý kóleminiń 35 paıyzǵa artqanyn kórsetedi. Nátıjesinde 2020 jyly qoı sany 17,7 mln basqa jetip, onyń ishinde kásiporyndar men fermer qojalyqtarynda 8,4 mln bas, jurtshylyq sharýashylyqtarynda 9,2 mln basty qurap otyr. 2020 jyl boıynsha jyldyq qoı basynyń eń joǵarǵy ósimi tirkeldi. ıAǵnı 1 jylda 837 myń basqa ósti», - dedi mınıstr.
Onyń atap ótýinshe, asyl tuqymdy qoıdyń úlesi 16,1 paıyzǵa nemese 2,8 mln basqa jetti. 300 myń bas asyl tuqymdy qoı satyldy. Al bul óz kezeginde selektsııalyq jumystyń damýyna úlesin tıgizip otyr.
«Jalpy agroónerkásiptik keshenin, sonyń ishinde qoı sharýashylyǵyn damytýda memlekettik qoldaýdyń tetikteri retinde jeke toqtala ketetin másele, ol - ǵylymmen qamtamasyz etý. Bul qoldaý memleket tarapynan ǵylymı jumystardy baǵdarlamalyq-nysanaly qarjylandyrý arqyly júzege asyrylady. Sońǵy 3 jyl aralyǵynda Qazaq mal sharýashylyǵy jáne azyqtandyrý ǵylymı-zertteý ınstıtýty júrgizgen ǵylymı jumystar nátıjesinde qoı sharýashylyǵynda respýblıkanyń ár óńirinde 20 modeldik ferma qurylyp, olar zamanaýı tehnıkalarmen jabdyqtalyp, qoı ósirý men jaıylymdardy qoldanýda jańa ınnovatsııalyq tehnologııalardy paıdalanyp, fermerler men stýdentterdi oqytý bazasy rolderin atqaryp otyr. Bul is-sharalarǵa bıýdjetten 735,6 mln teńge berildi», - dedi Saparhan Omarov.
Sonymen qatar mınıtr ǵylymı qamtamasyz etý nátıjesinde qoı sharýashylyǵy selektsııasy men kútip-baǵý tehnologııalaryn jetildirý baǵytynda ǵylymı jumystar atqarylǵanyn, asyl tuqymdy qoılardyń uryqtary men embrıondaryn alý, saqtaý protsesteri jetildirilgenin aıtty.
«Qazaq ulttyq agrarlyq zertteý ýnıversıtettiń ǵalymdarynyń qatysýymen jaıylymdarǵa ǵaryshtyq monıtorıng júrgizý, qunarlyǵyn anyqtap olardy jaqsartý ádistemeleri daıyndaldy. Bul óz kezeginde qoı sharýashylyǵyna oń áserin tıgizetini anyq», - dedi ol.
