Ótken jyly elimizde alkogol ónimderin daıyndaıtyn 44 jasyryn tsehtyń jumysy toqtatyldy
Bul týraly Qarjylyq monıtorıng agenttiginiń 2022 jylǵy jumystarynyń qorytyndysynda aıtylǵan, dep habarlaıdy QazAqparat.
Agenttik taratqan aqparattarǵa qaraǵanda, elde bıznesti qylmystyq protseske tartýdy azaıtý boıynsha jumystar júıeli júrgizilip keledi. Nátıjesinde tirkelgen ister sany jyl saıyn turaqty tómendep keledi. Sońǵy 4 jylda olardyń sany eki eseden astamǵa, 2021 jylmen salystyrǵanda – tórtten bir bólegine qysqardy. Sottar tergeýshilerdiń áreketterine túsken shaǵymdardy 20%-ǵa az qanaǵattandyrdy.
Bul rette, negizgi nazar kóleńkeli bızneske qarsy is-qımylǵa baǵyttalǵan, mundaı isterdiń tirkelgen materıaldardyń jalpy sanynyń úlesinen 70%-dan asady (bul ister boıynsha múlikke tyıym salýdy eskere otyryp, 97 mlrd teńgeden astamy óteldi).
Lýdomanııanyń aldyn alý (oıynǵa táýeldilik) aıasynda 110 zańsyz oıyn mekemesi joıyldy.
Azamattardy zańsyz alkogol ónimin paıdalanýdan qorǵaý maqsatynda 44 jasyryn tsehtyń jumysy toqtatyldy (aınalymnan 1,5 mln bótelke kontrafaktili alkogol jáne 99 myń lıtr spırt jáne quramynda spırti bar ónimder alyndy).
Qabyldanǵan sharalar kesheni kóleńkeli ekonomıka deńgeıiniń 21,5% boljamdy mánimen 19,7%-ǵa deıin tómendeýine oń áser etti.
Foto: ivteleradio.ru