Ótken jyly elimizde 36,8 mlrd. teńgege turǵyn úı-kommýnaldyq sharýashylyq ınfraqurylymdaryn jańǵyrtý júrgizildi
Bul týraly búgin QR Prezıdenti janyndaǵy Ortalyq komýnıkatsııalar qyzmetindegi brıfıngte «Qazaqstandyq turǵyn úı-kommýnaldyq sharýashylyǵyn jańǵyrtý jáne damý ortalyǵy» AQ basqarmasynyń tóraǵasy Sergeı Shaıjúnisov málim etti.
«Ózderińiz de biletindeı, «Nurly jol» baǵdarlamasynda turǵyn úı-kommýnaldyq sharýashylyq sektoryna zor nazar aýdarylǵan bolatyn. Onyń ishinde ótken jyly shamamen 60 mlrd. teńgege ınfraqurylymdardy jańǵyrtý josparlanǵan edi. Búgingi kúni bul qarjy tolyǵymen ıgerildi. ıAǵnı, aqsha sońǵy satyǵa deıin tolyq jetti», - dedi ol.
S.Shaıjúnisovtiń aıtýynsha, ótken jyly jylý, sýmen jabdyqtaý jáne sý burý jelileriniń 259 shaqyrymyn salyp, taǵy 259 shaqyrymyna jańǵyrtý jumystaryn júrgizý, 14 qazandyq pen 6 sorǵy stansasyn jóndeý josparlanǵan. Búgingi kúngi jaǵdaıǵa sáıkes, ınjenerlik jeliniń 211 shaqyrymy, onyń ishinde 143 shaqyrym jylýmen jabdyqtaý jelisi, 67 shaqyrym sýmen jabdyqtaý jáne sý burý jelisi, 4 qazandyq pen 2 sorǵy stansasy jańǵyrtylǵan. Qosymsha 3 myń jańa jumys orny qurylǵan.
