Ótken jyly elimizde 29 qarjy pıramıdasynyń jumysy toqtatylyp, 8,3 mlrd teńge ıesine qaıtaryldy
Sondaı-aq atalmysh málimetter boıynsha 2022 jyly azamattardy alaıaqtyq shemalarǵa tartý áreketteriniń jolyn kesý úshin olardyń qyzmetin jarnamalaıtyn 13 myń ınternet-siltemeler men akkaýnttar buǵattaldy.
«Qazirdiń ózinde tartylǵan azamattardyń atyna 19 myń eskertýler jiberildi, bul 15 myń adamnyń qarjylyq pıramıdalary akkaýnttarynan bas tartýyna yqpal etti. Kompanııalardy qarjy pıramıdasynyń belgilerine tekserý úshin «Telegram-bot» engizildi (azamattardan 1 myńnan astam ótinim tústi, olardyń 900 shamasynda qaraldy). Sonymen qatar, jumys olardy erte anyqtaýǵa baǵyttalǵan»,-delingen habarlamada.
Sondaı-aq onda qarjylyq barlaýdyń analıtıkalyq materıaldary boıynsha jalpy aınalymy 4,6 mlrd teńgeni quraıtyn jáne 27 myńnan astam satyp alýshylary bar esirtki satatyn 22 ınternet-dúken áshkerelengeni aıtylǵan. Berilgen aqparat negizinde polıtsııa 10 is qozǵap, 17 adam ustalǵan (500 dozadan astam esirtki tárkilendi, onyń ishinde 3 kg sıntetıkalyq).