Ótken jyly elimizde 23 myńnan astam jol-kólik oqıǵasy tirkelip, onda 3 myń adam qaza tapty - ІІM
ASTANA. QazAqparat - Ótken jyly elimizde 23 myńnan astam jol-kólik oqıǵasy tirkelip, onda 3 myń adam qaza tapty.
Búgin Parlament Senatynyń jalpy otyrysynda «Jol júrisi týraly» zań jobasyn talqylaý barysynda Іshki ister mınıstri Qalmuhanbet Qasymov osylaı málim etti.
«Qazirgi tańda elimizdiń avtomobıl parki qarqyndy artyp keledi. Bul joldardaǵy kólik quraldarynyń mólsherden tys ósýine ákep soǵýda. Sońǵy bes jyl ishinde elimizdegi kólik quraldarynyń sany eki esege artty jáne shamamen 4 mıllıon birlikti qurap otyr», - dedi Q. Qasymov. Mınıstrdiń aıtýynsha, avtomobıl parkiniń ósýi kóshe-jol torabynyń damý qarqynynan edáýir alǵa ketken. Budan bólek, jol qozǵalysyna qatysýshylardyń, eń aldymen kólik júrgizýshileriniń kólikti basqarý tártibi áli de tómen deńgeıde.
«Ótken jyly respýblıkada 23 myńnan astam jol-kólik oqıǵasy tirkelip, onyń ishinde 3 myń adam qaza tapty 20 myńnan astam adam jaraqat aldy», - dedi Іshki ister mınıstri.
