Ótken jyly elimizde 143 jasóspirim ózine qol jumsaǵan
«QR Qoǵamdyq densaýlyqty saqtaý ortalyǵynyń málimetinshe, elimizdegi oqýshylardyń 12 paıyzdan astam jábirleýge ushyraýy múmkin. Ótken jyldyń ózinde 143 jasóspirim ózine qol jumsaǵan bolsa, 306 adam ózine qol jumsaýǵa árekettengen. ıAǵnı, álem boıynsha elimiz balalar arasyndaǵy sýıtsıdten aldyńǵy qatardyń birinde tur. Buǵan qosa kóp jaǵdaıda sýıtsıdtiń ne úshin jasalyp jatqany da belgisiz», - dedi Májilis depýtaty Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, «Balalar quqyǵyn qorǵaý boıynsha keıbir zańnamalyq aktilerge ózgertýler men tolyqtyrýlar engizý týraly» zań jobasy aıasyndaǵy jumys toby «jábirleý» túsinigin tek uǵym retinde engizýdi qarastyryp otyr.
«ıAǵnı, tek aldyn alý is-sharalaryn uıymdastyrý, balalar arasyndaǵy aldyn alý jumysyn júrgizý úshin qajet. Bul qubylystyń oryn alyp otyrǵanyn bárimiz bilemiz. Al bul máseleni sheshýde birizdilik joq. Mektepterdegi jumystyń áralýandyǵyna alyp kelip otyr. Jábirleýdiń jalǵasy retinde kıberbýlıngtiń oryn alý qaýpi asa joǵary. ıAǵnı, balanyń psıhıkasyna, jeke basyna baılanysty kemsitetin is-áreketterdi áleýmettik jeliler, WhatsApp messendjeri, jeke SMS hattar arqyly kópshilikke taratý oryn alý múmkin. Sonymen qatar bul túsinik boıynsha eshqandaı ákimshilik nemese qylmystyq is-áreketterdi engizý josparlanyp otyrǵan joq», - dedi Elnur Beısenbaev.