Ótken jyly elimizde 123,8 myń jańa kólik satyldy
Portal málimetinshe, 2022 jyly elimizde jańa jeńil avtomobılder men jeńil kommertsııalyq tehnıkalar satylymy 5,3 paıyzǵa artyp, 123,8 myń birlikti qurady. Sonymen qatar elimizdiń avtomobıl ónerkásibi Reseıden jetkizilimge jáne dıstrıbýtsııaǵa táýeldiligin birshama qysqartyp, avtomobılderdiń jańa markalaryn shyǵarýdy jolǵa qoıa aldy.
Jalpy ótken jyly elimizde satylǵan kólikterdiń jartysynan astamy Chevrolet (34,3 myń) men Hyundai (28,9 myń) avtomobılderiniń úlesine tesili. Úzdik bestikke Kia (14,4 myń), Toyota (9,6 myń) jáne Lada (7,4 myń) kiredi.
Aıta keterligi, elimizdegi eń tanymal 10 brend qataryna birden Qytaıdyń 4 avtomobıli kirip otyr — Chery (4,5 myń), Jac (3,4 myń), Exeed (1,9 myń), Haval (1,5 myń).
Alaıda, ótken jyl álemdik avtonaryqqa ońaı tıgen joq. Máselen, 2022 jyly búkil álemdegi dılerler 81 mln-ǵa jetpeıtin jańa avtomobıl sata aldy. Bul 2021 jylǵy kórsetkishten 0,6 paıyzǵa kem. Tipti, avtomobıl naryǵy men avtoónerkásiptń kóshbasshysy sanalatyn Qytaıdyń ózi álemdik kóretkishti jaqsarta alǵan joq. Bul elde ótken jyly 26,6 mln jańa jeńil kólik satylyp, ósim 4,4 paıyzdy quraǵan.
Al AQSh-ta 13,7 mln, Batys Eýropada 11,6 mln, Japonııada 4,2 mln, Shyǵys Eýropada 2,9 mln kólik satylǵan. Bul elderdiń avtonaryǵy 5,2-den 26,8 paıyzǵa de deıin quldyraǵan. Al Reseı naryǵy jyl ishinde birden 60 paıyzǵa kemip otyr.
