Ótken jyly elimiz boıynsha 20-dan astam qosymsha poıyz jolǵa shyqqan
ASTANA. QazAqparat - Ótken jyly Qazaqstan boıynsha 20-dan astam qosymsha poıyz qyzmeti uıymdastyrylǵan. Bul týraly «Jolaýshylar tasymaly» AQ-nyń baspasóz qyzmeti taratqan derekterden málim boldy, dep habarlaıdy QazAqparat.
Aktsıonerlik qoǵamnyń baspasóz málimetterine qaraǵanda, ótken jyly «Almaty - Túrkistan» jáne «Astana - Túrkistan» qatynasyndaǵy eki jańa baǵyt Túrkistan oblysyna barý múmkindigin aıtarlyqtaı jeńildetti.
Tap osyndaı múmkindikterdi qarastyrý úshin «Túrkistan - Saryaǵash», «Túrkistan-Badam» jáne «Túrkistan-Shymkent» - qalamańy áleýmettik mańyzdy baǵyttar boıynsha poıyzdardyń qatynasy uıymdastyryldy.
Jolaýshylardyń ótinishterin nazarǵa ala otyryp, 2018 jyly respýblıkaishilik baǵyttar boıynsha qosymsha segiz kommertsııalyq poıyz, sondaı-aq «Qaraǵandy-Tomsk» qatynasyndaǵy halyqaralyq jolaýshylar poıyzy iske qosyldy.
Mereke men merekealdy kúnderi ártúrli 13 qosymsha poıyzdar jolǵa shyǵaryldy.
Ótken jyly «Almaty-Pavlodar», «Astana-Rıdder» baǵytyndaǵy «Tulpar-Talgo» vagondarynan quralǵan eki jolaýshy poıyzynyń jyljymaly quramy jańartyldy.
«2019 jyly Ulttyq tasymaldaýshy jolaýshylar tasymalyn uıymdastyrý salasyndaǵy jumys tıimdiligin qamtamasyz etý, jolaýshylardyń ıgiligi úshin qajetti ózge de múmkindikterdi qarastyra bermek»,-delingen habarlamada.
