Ótken jyly elektrondy BAQ-tyń qazaqtildi kontenti 13%-ǵa ósti
Bul týraly ranking.kz habarlady.
Táýelsizdik jyldary qazaqtildi turǵyndar sany 1991 jylǵy 37%-dan 2015 jyly 76,3% -ǵa deıin artty. Al 2016 jyldyń sońyna qaraı bul kórsetkish 82,3%-dy qurady. Sonymen qatar tildi úırenip jatqandar sany da artyp keledi, 2015 jyly bul kórsetkish 22,3%-ǵa kóbeıdi. Orystildi turǵyndary sanyna kelsek, 2015 jylǵa qaraı olardyń úlesi 0,6%-ǵa qysqaryp, 89,4%-dy qurady.
Tilderdi damytý jáne qoldanýdyń memlekettik baǵdarlamasyna sáıkes, 2025 jylǵa qaraı qazaq tilin biletinder sany basym bolady dep kútilýde: turǵyndardyń 95%-y qazaq tilinde, 90 %-y orys tilinde erkin sóıleıtin bolady.
Memlekettik tildiń statýsy bilim berý júıesinde nyǵaıady. Qazaq tilin meńgergen mektep túlekteriniń úlesi 2016 jyly 68%-dan 70%-ǵa deıin ósti. Búgingi tańda elimizde 3,8 myń mektep qazaq tilinde bilim beredi, bul jalpy mektepter sanynyń 53%-y. 2015 jyly ol kórsetkish 51%, al 1991 jyly 32% deńgeıinde boldy.
2016 jyly elektrondy BAQ-taǵy qazaqtildi kontenttiń úlesi 12,7%-ǵa ósip, 84 %-dy qurady. Tek orys tilindegi kontent kólemi 10,8%-ǵa qysqaryp, jyl sońynda 16%-dy qurady. Degenmen jalpy qurylymdaǵy elektrondy BAQ úlesi 16%-dy quraıdy. Qalǵany baspa BAQ úlesinde, onda qazaqtildi kontent kólemi 50%-dan astam.
2016 jyldyń sońynda 2,6 myń buqaralyq aqparat quraly tirkelgen (2015 jylǵa +11%), onyń ishinde 23% - memlekettik. Memlekettik BAQ-ta aqparat aǵynynyń 71%-y qazaq tilinde, bir jyl buryn bul kórsetkish 60% deńgeıinde bolatyn. Degenmen QR Mádenıet jáne sport mınıstrliginiń júrgizgen saýalnamasyna sáıkes, oqyrmandar qazaqtildi memlekettik BAQ-ty tartymsyz ári ózekti emes dep esepteıdi, sonymen qatar aqparattyq emes jáne mazmunsyz saıttar kóp degen oı bildirgen.
Qazaqstandyqtar jahandaný protsesiniń yqpalymen aǵylshyn tilin belsendi meńgerip jatyr. Eger 1991 jyly aǵylshyn tilin meńgergen turǵyndar úlesi 2%-dy ǵana quraǵan bolsa, 2012 jyly bul kórsetkish 11,6%-ǵa deıin artty, al búgingi tańda olardyń úlesi 23,7%-dy qurap otyr.
Elimizde úsh tildi bilýdiń paıyzdyq kórsetkishi 2015 jyly 16 % bolsa, 2016 jyldyń aıaǵynda 20 %-ǵa deıin ósken. Esterińizge sala keteıik, úsh tuǵyrly til prıntsıpi 2016 jyly QR Bilim jáne ǵylym mınıstrliginiń júıesine engen.
