Ótken jyly eldegi qurylys jumystarynyń kólemi 1,9 trln. teńgeni qurady - Serik Nokın
ASTANA. 24 qańtar. QazAqparat /Aıdar Ospanalıev/ - Ótken jyly eldegi qurylys jumystarynyń kólemi 1,9 trln. teńgeni qurady.
Naqty kólem ındeksi 2009 jylmen salystyrǵanda 101 paıyzǵa oryndaldy. Bul málimetterdi búgin Parlament Májilisinde ótip jatqan Úkimet saǵatynda Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın málim etti.
Onyń derekteri boıynsha, atalmysh salanyń ishki jalpy ónimdegi úlesi 7,6 paıyzdy, al onda jumyspen qamtylǵan adamdar sany 7 paıyzdy qurap otyr. «Ótken jyldy turǵyn úıdi paıdalanýǵa berý sharalary 103 paıyzǵa oryndalyp, 6,4 mln. sharshy metrdi qurady. Barlyq qarjy kózderi boıynsha turǵyn úı kommýnaldyq sharýashylyq salasyna 317 mlrd. teńge ınvestıtsııa bólindi. 2009 jyldyń kórsetkishterimen salystyrǵanda 97,9 paıyz bolyp otyr»,- dedi agenttik tóraǵasy.
