Ótken jyly elde mektepke deıingi uıymdardyń sany 2 myńǵa jaqyndady - Statıstıka agenttigi
STANA. Sáýirdiń 30-y. QazAqparat /Rýslan Ǵabbasov/ - 2003 jyldan bastap mektepke deıingi uıymdardyń sany birtindep óse bastady. Bul týraly búgin Astanada ótken on-laın konferentsııada Statıstıka agenttiginiń tóraǵasy Álıhan Smaıylov málim etti,
dep habarlaıdy QazAqparat.
1991 jyly Qazaqstanda 8 myń 581 turaqty mektepke deıingi uıymdar qyzmet jasaǵan. «Ókinishke qaraı, Táýelsizdik alǵannan bergi kezeńde mektepke deıingi uıymdar sany qysqaryp ketti. ıAǵnı, Táýelsizdiktiń basynan 10 jyldyń ishinde osyndaı uıymdardyń sany 8 esege azaıyp, 2001 jyly 1 myń 103-ti qurady»,-dedi agenttik basshysy.
Á. Smaıylovtyń sózine qaraǵanda, balabaqshalardyń qysqarýy bıýdjettik qarjylandyrýdyń jetispeýinen bolǵan. Sonymen birge vedomstvolyq mektepke deıingi uıymdarynyń jabylýy da oryn alǵan. «Uıymdar men kásiporyndar tıisti qarjy kólemin bólmegendikten, balabaqsha sany qysqara bastady»,-dedi ol.
Agenttik tóraǵasy 2003 jyldan bastap mektepke deıingi uıymdardyń sany birtindep óse bastaǵanyn aıta kele: «Máselen, 2002 jylmen salystyrǵanda 2009 jyly mektepke deıingi uıymdar 751-ge artqan. Sonyń nátıjesinde byltyr turaqty balabaqsha 1 myń 852 -ge jetti», dedi.
Á. Smaıylovtyń aıtýynsha, 2008 jyly 5-6 jas aralyǵyndaǵy balalardyń 61 paıyzy mektepke deıingi daıyndyqpen qamtylǵan.
«Al 1998 jyly bul kórsetkish 3 esege kem boldy, ıaǵnı 20 paıyzdy qurady»,-dedi ol.
Aıta keteıik, Elbasynyń tapsyrmasyna sáıkes mektepke deıingi bilim berý mekemelerindegi oryn jetispeýshiligin tómendetý maqsatynda «Balapan» baǵdarlamasy júzege asyrylyp jatyr. Osyǵan baılanysty el óńirlerindegi burynǵy balabaqsha ǵımarattary bilim júıesine qaıtarylyp, budan bólek jańa nysandar da salynýda.
