Ótken jyly el tarıhynda buryn-sońdy restavratsııa kórmegen birqatar tarıhı eskertkishter qalpyna keltirildi
ASTANA. Qańtardyń 25-i. QazAqparat /Rýslan Ǵabbasov/ - Ótken jyly el tarıhynda buryn-sońdy restavratsııa kórmegen birqatar tarıhı eskertkishter qalpyna keltirildi. Bul týraly búgin Astanada ótken alqa májilisinde Mádenıet jáne aqparat mınıstri Muhtar Qul-Muhammed málim etti,
dep habarlaıdy QazAqparat.
Mınıstrdiń aıtýynsha, jalpy alǵanda 2009 jyldyń basynan beri 12 qoldanbaly, ǵylymı, 49 arheologııalyq zertteý jumystary qolǵa alyndy. Sondaı-aq 26 tarıhı-mádenı eskertkishtti qalpyna keltirý jumystary júrgizildi. «El tarıhynda buryn-sońdy restavratorlardyń qoly tımegen talaı tarıhı mańyzdy arhıtektýralyq eskertkishterdi jóndeý júzege asyryldy», dedi vedomstvo basshysy.
Mınıstr sonymen qatar "Qazaqtyń dástúrli myń kúıi, myń áni» atty biregeı jobalardyń qolǵa alynǵanyn atap ótti. «Bul da bizdiń ult mádenıeti tarıhyndaǵy eń úlken jobalardyń biri dep tolyq aıta alamyn», dep atap ótti M. Qul-Muhammed.
