Ótken jyly ekonomıkalyq qylmys kúrt ósken - zertteý

NUR-SULTAN. QazAqparat – Qazaqstanda byltyr jalpy qylmystar edáýir báseńdegenimen, ekonomıkalyq qylmystar sany 25 paıyzǵa ósken. Bul týraly QazAqparat finprom.kz silteme jasap habarlaıdy.

«Osy qylmystardyń saldarynan keltirilgen materıaldyń shyǵyn kólemi 165 mlrd teńgege jetti. Bul – aldyńǵy jyldyń kórsetkishimen salystyrǵanda 2,6 ese kóp soma. Atap aıtqanda memleketke 155,2 mlrd teńge, al jeke tulǵalarǵa 6,4 mlrd teńge, al zańdy tulǵalarǵa 3,3 mlrd teńge shyǵyn keltirilgen. 2020 jyldyń qańtary men jeltoqsany aralyǵynda ekonomıkalyq baǵytta 1,3 myń qylmys tirkeldi. Bul kórsetkish – aldyńǵy jylǵymen salystyrǵanda 22,9%-ǵa artyq», - delingen zertteýde.

Aımaqtardy bólip qaraǵanda ekonomıkalyq qylmystardyń kóbi Almaty qalasynda tirkelgen (240 jaǵdaı – aldyńǵy jylmen salystyrǵanda 37,9 paıyzǵa artyq). Tizimde odan keıin Shymkent (208 jaǵdaı - aldyńǵy jylmen salystyrǵanda 2,1 ese kóp) jáne Qaraǵandy oblysy (115 jaǵdaı – aldyńǵy jylmen salystyrǵanda +53,3 paıyz) tur

Al osy qylmystardyń azaıý kórsetkishi 17 óńirdiń 7-eýinde baıqalǵan. Máselen, Qyzylorda oblysynda bul kórsetkish úsh ese azaısa, Qostanaı oblysynda tórt ese tómendegen.