Ótken jyly tsıfrlyq qyzmet eksporty 333 mıllıon dollardan asty – Baǵdat Mýsın
Bul týraly búgin óziniń Facebook paraqshasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jazdy, dep habarlaıdy QazAqparat.
Onyń sózinshe, búginde Qazaqstanda qolaıly retteýshilik ortany qurý, qoldaý jumystary, sondaı-aq adamı kapıtaldy damytý boıynsha qabyldanǵan júıeli sharalardyń nátıjesinde, otandyq IT-kompanııalardyń tabysty deńgeıde qalyptasýyna jáne sheteldik IT-kompanııalardy tartýǵa barlyq jaǵdaı jasalǵan.
Memleket basshysy 2021 jylǵy Qazaqstan halqyna joldaýynda Úkimetke tsıfrlyq ındýstrııadaǵy qyzmetter men taýarlar eksportyn 2025 jylǵa qaraı 500 mıllıon dollarǵa deıin arttyrýdy tapsyrdy.
«Osy rette, otandyq IT-kompanııalardyń jaqyn jáne alys shetelderge (AQSh, BAÁ, RF, Ispanııa jáne Ulybrıtanııa jáne t.b.) belsendi túrde eksporttalatyn ónimderdi ázirleıtinin atap ótkim keledi.
Sonymen qatar, Google for Startups, Draper University jáne basqalarmen birlesken akseleratsııalyq, ıaǵnı jedeldetilgen baǵdarlamalar bizdiń kompanııalarymyzdyń áleýetin arttyrady jáne olardy barynsha básekege qabiletti naryqtarǵa shyǵýǵa daıyndaıdy.
El basshylyǵyna, barsha áriptesime, IT-kompanııalarymyzdyń jáne startaptarymyzdyń ókilderine salany damytýǵa jáne ulttyq ekonomıkany ártaraptandyrýǵa kúndelikti úles qosyp júrgenderi úshin alǵys aıtamyn.
Birlesken kúsh-jigerdiń arqasynda budan da joǵary nátıjelerge qol jetkizetinimizge senimdimin!»,-dedi mınıstr.
