Ótken jyly BUU-nyń 35 qyzmetkeri qaza tapty
ASTANA. Qańtardyń 6-sy. QazAqparat- Ótken jyly álemde Birikken Ulttar Uıymynyń 35 qyzmetkeri opat boldy.
Olardyń jeteýi bitimgershilik mıssııalardyń áskerı qyzmetkerleri bolsa, 28 adam - azamattyq qyzmetkerler. Bul týraly «Azattyq» radıosy habarlady.
Alty bitimger Sýdannyń Darfýr provıntsııasynda oqqa ushty. Al týǵan eli - Pákistanda demalys kezinde BUU-nyń Sýdandaǵy bitimgershilik operatsııasy qolbasshysynyń orynbasary general Ahmed Moınýddın qaza tapty.
BUU-nyń 9 qyzmetkeri Pákistanda opat bolsa, taǵy jeti azamattyq qyzmetker - Aýǵanstanda, beseýi Gaza sektorynda qaza tapty. Qalǵan bitimgershiler Somalı, Gaıtı, Kolýmbııa jáne Kenııa elderinde opat bolǵan.
Bul málimetterdi BUU qyzmetkerleriniń kásipodaǵy jarııa etti.
