Ótken jyly bólshek saýda kólemi 12,3 paıyzǵa joǵarylap 3014 mlrd. teńgege jetti - Statıstıka
ASTANA. 18 qańtar. QazAqparat - Ótken jylǵy qańtar-jeltoqsanda 2009 jyldyń tıisti kezeńimen salystyrǵanda bólshek saýda kólemi 12,3 paıyzǵa joǵarylap 3014 mlrd. teńgege jetti,
dep habarlady QR Statıstıka agenttigiń baspasóz qyzmetinen.
Vedomstvonyń atap ótýinshe, ótken jylǵy jeltoqsanda 2009 jylǵy jeltoqsanmen salystyrǵanda taýarlardy bólshek saýdada ótkizý kólemi 11,3 paıyzǵa jáne 2010 jyldyń ótken aıymen salystyrǵanda 15,8 paıyzǵa joǵarylaǵan.
Sonymen qatar agenttiktiń habarlaýynsha, 2010 jyly bólshek saýdany turaqty jelilerde júzege asyratyn saýda kásiporyndarynyń qyzmeti birtindep turaqtanǵan. 2010 jyldyń qańtar-jeltoqsanynda saýda kásiporyndary arqyly taýarlardy ótkizý kólemi 2009 jylǵy qańtar-jeltoqsanǵa qaraǵanda 1634,1 mlrd. teńgege nemese 13,3 paıyzǵa artyq.
