Ótken jyly azamattar tarapynan polıtsııaǵa kelip túsken ótinishter sany 2 mln. asty - ІІM
ASTANA. 13 qańtar. QazAqparat - Azamattar tarapynan polıtsııaǵa kelip túsetin ótinishter sany eselep ósip keledi.
Máselen, 2011 jyly 800 myńǵa jýyq qylmys týraly aryz ben habarlama qaralǵan bolsa, 2012 jyly bul kórsetkish 1,6 mln. al ótken jyly eki mıllıonnan asty. Búgin Parlament Májilisinde ótip jatqan Úkimet saǵatynda QR Іshki ister mınıstri Qalmuhanbet Qasymov osylaı málim etti.
Mınıstrdiń aıtýynsha, polıtsııa tarapynan azamattardyń ótinishterin qaraý jedeldigi de arta túsken. «Búgingi kúni azamattardyń aryzdarynyń 94 paıyzy 3 kúndik merzim ishinde qaralady. Osynyń ózi halyqtyń polıtsııaǵa degen seniminiń ósip kele jatqanynyń belgisi. Ekinshi jaǵynan elimizde naqty qansha qylmys jasalǵanyn memleket bilip otyrýy tıis. Bul bizge «qaǵaz» túrinde ǵana emes, naqty túrde qylmysty qadaǵalaýǵa, sonymen birge, elimizdegi krımınaldyq ahýaldyń ózgerýine jedel beıimdelip, tıisti sharalardy josparlaýǵa múmkindik berdi», - mınıstr Q. Qasymov.
