Ótken jyly Astananyń aýdandyq jáne olarǵa teńestirilgen sottarynyń óndirisine 65 myńnan astam is tústi
ASTANA. 18 qańtar. QazAqparat - 2012 jyldyń 12 aıynda Astana qalasynyń aýdandyq jáne olarǵa teńestirilgen sottarynyń óndirisine 65566 is túsken, olardyń - 42178-i azamattyq, 21558-i ákimshilik jáne 1830-y qylmystyq is. Bul týraly búgin elorda sottarynyń jumys qorytyndysy boıynsha ótkizilgen baspasóz máslıhatynda Astana qalasy sotynyń tóraǵasy Sáken Abdýllaev málim etti, dep habarlaıdy elordanyń resmı saıtyn.
Onyń aıtýynsha, byltyr elorda sottarynyń óndirisine 45790 azamattyq is boldy, onyń 31052-si, nemese 67,8%-y qaraldy, 18488 iske nemese 40,3 %-yna sheshim shyǵaryldy.
«Ótken jyly Astana qalasynyń sottary odan arǵy jylǵy isterdi qosa eseptegende 2 027 is qaraǵan. Olardyń - 1 867-si tolyq aıaqtalǵan. Nátıjesinde 1 143 adamǵa úkim shyǵarylyp, 487 azamat bas bostandyǵynan aıryldy. 837 azamat aýyr jáne asa aýyr qylmystar boıynsha sottalyp, onyń 15-i aqtaldy. 130 azamatqa qatysty 69 is qaıta tergeýge jiberildi.
Astana qalalyq sotyna 2012 jyldyń 12 aıynda jeke jáne zańdy tulǵalardan 472 aryz túsken, bul 2011 jylmen salystyrǵanda 98 shaǵymǵa kóp. Solardyń ishinde 24 shaǵym rastaldy, 130-y rastalmady», - dedi Qylmystyq ister jónindegi apellıatsııalyq sot alqasynyń tóraǵasy Rústem Alshynbaev.
