Ótken jyly Astanaǵa aımaqtardan 29 687 adam keldi
ASTANA. 7 aqpan. QazAqparat - Halyqtyń aǵymdaǵy esebi málimetteri boıynsha, 2012 jyldyń qańtar-jeltoqsan aılarynda Astanaǵa 50 863 adam kóship kelip, 31624 adam kóship ketken (kóshi-qon saldosy +19 239 adam), - dep habarlaıdy astana.kz saıtyna qalalyq Statıstıka departamentinen.
Elordanyń resmı saıtynyń jazýynsha, kóshi-qon saldosynyń jaǵymdy tustary negizinen ishki kóshi-qon esebinen (19 529 adam kelgen) kórinedi. Syrtqy kóshi-qon máselesinde jaǵymsyz saldo (qaladan 290 adam kóship ketken) baıqalady.
2012 jyldyń qańtar-jeltoqsan aılarynda 2011 jyldyń qańtar-jeltoqsan aıymen salystyrǵanda Astana qalasyna kóship kelýshiler 14,1%-dan az bolsa, kóship ketýshiler 13%-dan joǵary bolyp otyr.
Astana qalasynyń Statıstıka departamentinen habarlaǵanyndaı, negizgi kóshi-qon aımaqaralyq kóship-qoný esebinen júrýde. 2012 jyldyń qańtar-jeltoqsan aılarynda qonystanýshylar - 29 687 adamdy, kóship ketýshiler - 10158 adamdy quraǵan.
