Ótken jyly Astanada 177 myń tonna negizgi azyq-túlik ónimi shyǵaryldy
ASTANA. 18 qańtar. QazAqparat - 2012 jyly elordanyń 58 kásiporny áleýmettik mańyzǵa ıe 177 myń tonna azyq-túlik taǵamdaryn óndirdi.
Bul týraly qalanyń aýyl sharýashylyǵy basqarmasy málim etti.
Elordanyń resmı saıtynyń jazýynsha, 2012 jyly bas qalada 137,1 myń tonna un, 16, 9 myń tonna nan, 11,14 myń tonna makaron, 10 myń tonna jarma, 1,4 myń tonna shujyq, 495 tonna sút óndirilgen.
Osy ónimderden eksportqa 105,05 myń tonna un, 6,12 myń tonna makaron jáne 4,33 myń tonna jarma jiberilgen.
Aıtý kerek, qala ózin tek 13% negizgi taǵamdarmen qamtamasyz ete alady. Qalǵany Astana mańyndaǵy azyq-túlik beldeýinen (35%), Qazaqstannyń basqa da aımaqtarynan (18%), sondaı-aq, shetelderden (34%) ákelinedi.
Eske salaıyq, búgingi kúni eksport máselesin «Kazagromarketıng» kompanııasy belsendi damytý ústinde. Ol otandyq kásiporyndar shyǵaratyn azyq-túlik taýarlaryn Reseı Federatsııasynyń iri óndiristik ortalyqtary - Omby, Ekaterınbor, Samara, Chelıabi qalalaryna shyǵaryp, osy qalalarda bizdiń logıstıkalyq ortalyqtarymyzdy salý múmkindikterin izdestirýde. Bul týraly taıaýda ótken Astana qalasy aınalasyndaǵy azyq-túlik beldeýin damytý májilisi kezinde «Qazagromarketıng» AQ basqarma tóraıymy Aıgúl Ahmetjanova aıtty.
