Ótken jyly Astanada 1000-nan astam ruqsat etilmegen syrtqy jarnama alynyp tastaldy
Alaıda, qala kásipkerleriniń jaýapkershiliginde bas qalanyń syrtqy kórkem kelbeti men álemdik dárejedegi ımıdjin tanytý da jatyr. Osyǵan baılanysty Astanada túrli tústi gammalar men ǵımarattardyń sáýlet úlgisin eskere otyryp, shaǵyn jáne orta bıznes sýbektileriniń syrtqy jarnamalardy bezendirýde biryńǵaı dızaındy saqtaýyna baqylaý júrgizilýde, dep habarlaıdy astana.kz saıty.
Aýdan ákimdikteri Astana qalasynyń Sáýlet jáne qala qurylysy basqarmasymen birigip qala kóshelerindegi ruqsat etilmegen jarnamalardy anyqtaý is-sharalaryn ótkizip, túsinik jumystaryn júrgizýde.
«2012 jyly Almaty aýdanynyń 985 kásipkerine habarlama qaǵazdar tapsyrylyp, eskertýler jasaldy. Sondaı-aq, kásipkerlik sýbektileriniń qatysýymen, 630 syrtqy jarnama qurylymy buzylyp alyndy. Al Esil aýdanynda 220 syrtqy jarnama buzyldy», - dep habarlaıdy aýdan ákimdikterinen.
Kóbine mundaı zań buzýshylyqtar kásipkerlerdiń kinásinen bolmaıdy. Máselen, Saryarqa aýdanynyń aýmaǵynda 28 saýda úıi men sýpermarket ornalasqan. Olardyń kóbi jalǵa berilgen. Mundaı ǵımarattyń ıeleri jarnama úshin arnaıy oryn qarastyrmaǵandyqtan, kórnekti aqparattar men jarnamalar esikterde, sórelerde nemese qoldan jasalǵan qurylymdarda ilinip, kósheniń sánin ketiredi.
