Ótken jyly Almatyǵa 820 mlrd teńge ınvestıtsııa tartyldy
2019 jyly Almatynyń jalpy óńirlik ónimi adam basyna shaqqanda 4,8%-ǵa ósti. Negizgi kapıtal ınvestıtsııasy 8,5%-ǵa artty. Jalpy jyl qorytyndysy boıynsha qala ekonomıkasynyń barlyq salalarynda oń dınamıka qalyptasty. Ónerkásip 4,5%-ǵa, turǵyn úı salý 4,8%-ǵa, qurylys 3,4%-ǵa, bólshek saýda 12,1%-ǵa, kólik 11,9%-ǵa ósti.
Jalpy 820 mlrd teńge ınvestıtsııa tartyldy. Onyń ishinde 620 mlrd teńgesi – jekeniki.
Sonymen qatar, 2019 jyldyń basynan beri qalada 47 myńnan astam jumys orny quryldy, onyń ishinde kásipkerlik sýbektileri boıynsha 35 myńnan astam, memlekettik baǵdarmalar aıasynda 12 myń jumys oryndary ashyldy.
«Óńirlik ınstıtýttardy ońtaılandyrý esebinen shaǵyn jáne orta bızneske beriletin nesıeler kólemderin tómendetýge baǵyttalǵan «Almaty Finance» men «Almaty» mıkroqarjylyq uıym quryldy»-deıdi ákimdiktegiler.
Atalǵan sharalar jumys jasaıtyn ShOB sýbektileriniń qataryn 9%-ǵa arttyrýǵa múmkindik berdi, ıaǵnı olardyń sany 190,2 myńǵa jetti, qala ekonomıkasynda shaǵyn jáne orta bıznestiń úlesi 41%-ǵa deıin ósti.
