Ótken jyly Almatyda 21 myńnan astam aǵash kóshetteri otyrǵyzyldy

Bul týraly Almaty ákimdiginde bolǵan ótken jyldyń áleýmettik-ekonomıkalyq qorytyndysyna arnalǵan otyrys barysynda aıtyldy, dep habarlaıdy QazAqparat.

Ótken jyly bunymen qatar 50 gektardan astam aýmaqty quraıtyn 1 saıabaq pen 6 gúlzar qaıta jóndeýden ótkizilgen. Bunymen qatar qurylysy toqtap qalǵan aýmaqtar gúlzarlar men avtokólik turaqtaryna aınaldyrylǵan.

Sońǵy jyldary Almatyda aýanyń lastaný kórsetkishin tómendetý maqsatynda 12 baǵdarla júzege asyrylýda. Ótken jyly da bul baǵdarlamalar aıasynda birqatar sharalar júzege asyrylǵan. «Ózender men sýqoımalar» baǵdarlamasy aıasynda Esentaı, Botbaısaı, Shybynsaı, Kishi Almaty ózenderinde jalpy kólemi 24, 805 shaqyrymdyq jóndeý jumystary júrgizilip, 13 sýburqaq qaıta qalpyna keltirilgen. Avtokólikterden ýly gaz bólinýin jáne avtokólik maılarynyń sapasyn tekserý de qatań baqylaýǵa alynǵan. Sonyń nátıjesinde ótken jylǵy aýanyń lastaný kórsetkishi azaıǵany baıqalady.

Otyrys barysynda qala ákimi quzyrly oryndarǵa bul baǵyttaǵy jumysty damytýdy, aýanyń lastanýyna basty sebepkerler - avtokólikter men JES jáne jeke turǵyn úılerdi eskere otyryp, arnaıy baǵdarlama qabyldaýdy tapsyrdy. «Qalaǵa syrttan keletin kólikterdi shekteý qajet. Jeke sektordy gazdandyrýdy, sondaı-aq múmkindiginshe 9 qosymsha stansylardyń qurylysyn aıaqtap, «Medeý», «Shymbulaq» nysandaryn 100 paıyz qamtamasyz etý kerek», dedi qala ákimi. Bunymen qatar ol Azııada oıyndary ótetin nysandardy tek sporttyq nysandar retinde ǵana emes, mádenı, oıyn-saýyq oıyndaryna aınaldyrý strategııasyn oılastyrýdy tapsyrdy. Qala ákiminiń aıtýynsha, bul Azııa oıyndary aıaqtalǵan soń qalada týrızmdi damytýǵa, atalǵan nysandardy bul baǵytta tıimdi paıdalanýǵa qajet.