Ótken jyly Alataý aýdanynda ǵana 178 kóshege ulttyq ıdeologııamyzǵa tán jańa ataýlar berildi - Ahmetjan Esimov
ALMATY. 22 qyrkúıek. QazAqparat /Erlik Erjanuly/ - Til sharýasy oqytýmen, úıretýmen ǵana shektelmeıdi. Ony ómirdiń barlyq salasyna engizip, kúndelikti tirshiliktiń quralyna aınaldyrý kerek. Bul jóninde Almaty qalasynyń ákimi Ahmetjan Esimov búgin "Ana tilim - ardaǵym" dep atalatyn festıvalde aıtty.
"Mańyzdy sharýanyń biri qaladaǵy ataýlar men kórnekti aqparattar. Qazir Almatydaǵy kóshe ataýlary ózgerýde. Ol júıeli túrde jalǵasyp keledi. Qazaq halqynyń rýhanı ókilderiniń eńbegi sińgen aıtýly tulǵalarynyń barlyǵy derlik Almaty qalasynda eńbek etken. Olardyń ónegeli eńbekteri men shyǵarmashylyqtary nasıhattalyp otyrady", - deıdi A. Esimov. Ahmetjan Smaǵululynyń aıtýynsha, kórnekti tulǵalardyń aramyzda joqtarynyń da aty ardaqtalyp, eskertkishteri turǵyzylyp, esimderi kóshelerge berilip qurmet kórsetilýde. Qazir qala boıynsha memleket jáne qoǵam qaıratkerlerine ornatylǵan eskertkish taqtalar sany - 109. Kelip jatqan usynysta shek joq. "Óte kóp kelip jatyr. Sondyqtan jaýapty qurylymdar men onamastıka komıssııasy buǵan qatty mán berýi qajet dep oılaımyn", - dedi qala basshysy A. Esimov.
