Ótken jyly 9 mln. sharshy metrge jýyq turǵyn úı paıdalanýǵa berildi - B.Saǵyntaev
ASTANA. QazAqparat - Ótken jyly qurylys salasynyń ósimi 4,3 paıyzdy qurady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Premer-Mınıstriniń birinshi orynbasary Baqytjan Saǵyntaev málim etti.
«Qurylys salasynda biz oń dınamıkany kórip otyrmyz, ósim 4,3 paıyzdy quraıdy. Paıdalanýǵa berilgen turǵyn úıdiń jalpy aýmaǵy 2014 jylmen salystyrǵanda 18,9 paıyzǵa artyp, shamamen 9 mln. sharshy metrge jetti. Turǵyn úılerdi paıdalanýǵa berý ósimi elimizdiń barlyq óńirlerinde baıqaldy desek te bolady», - dedi Úkimet basshysynyń birinshi orynbasary.
Sonymen qatar ol baspana qurylysy qarqyny Almaty, Qyzylorda oblystary men Astana qalasynda birshama joǵary bolǵandyǵyn aıryqsha atap ótti.
