Ótken jyly 89 soltústikqazaqstandyq ata-ana quqyǵynan aıyryldy

PETROPAVL. QazAqparat - 2016 jyly Soltústik Qazaqstan oblysy boıynsha kámeletke tolmaǵandar isteri jónindegi mamandandyrylǵan aýdanaralyq sotynyń sheshimimen 89 ata-ana áke-sheshe quqyǵynan aıyryldy, taǵy úsheýine shekteý qoıyldy, dep habarlaıdy «QazAqparat» HAA tilshisi oblystyq prokýratýraǵa silteme jasap.

Qadaǵalaý organy ókilderiniń aıtýynsha, ata-ana quqyǵynan aıyrý - bul sońǵy sheshim. Jáne ol balanyń múddesi úshin jáne ata-anaǵa qoldanylǵan profılaktıkalyq sharalar nátıjesin bermegen jaǵdaıda ǵana qoldanylady.

Ata-ana quqyǵyn áke men sheshe ózderiniń ómir súrý daǵdysyn, tártibin jáne balanyń tárbıesine kózqarasyn ózgertken jaǵdaıda ǵana qalpyna keltire alady. Biraq, tájirıbe kórsetip otyrǵandaı, quqyqtarynan aıyrylǵan ata-analar olardy qalpyna keltirý boıynsha sotqa ótinimmen az keledi. Ótken jyly qatań shara qoldanylǵan 4 ata-anaǵa ǵana balalaryn otbasyna qaıtarýdy qalady.