Ótken jyly 800 myń el azamaty statsıonardy erkin tańdaý quqyǵyn paıdalandy - S.Qaıyrbekova
ASTANA. 19 naýryz. QazAqparat - Ótken jyly 800 myń el azamaty statsıonardy erkin tańdaý quqyǵyn paıdalandy. Bul týraly búgin Úkimettiń selektorlyq rejimdegi otyrysynda 2012 jyldyń qorytyndysy boıynsha «Salamatty Qazaqstan» memlekettik baǵdarlamasynyń iske asyrylý barysy týraly baıandama jasaǵan QR Densaýlyq saqtaý mınıstri Salıdat Qaıyrbekova aıtty.
Onyń atap ótýinshe, naýqastarǵa statsıonarlardy erkin tańdaý quqyǵyn berý nátıjesinde sapaly statsıonarlyq kómektiń qoljetimdiligi arta túsken. 2010 jylmen salystyrǵanda mundaı quqyqty paıdalanýshylar sany 2,5 esege artyp, 2012 jyly 800 myń adamdy quraǵan. Olardyń 46 paıyzy aýyl turǵyndary.
Sondaı-aq S.Qaıyrbekovanyń sózine qaraǵanda, joǵary mamandandyrylǵan medıtsınalyq kómek kólemi 2011 jylmen salystyrǵanda 60 paıyzǵa artqan, onyń 56 paıyzy óńirlik deńgeıde kórsetilgen.
Respýblıka óńirlerinde tek 5 tehnologııany engizýdiń ekonomıkalyq tıimdiligi 415 mlrd. teńgege jetti. Bul óz kezegine 24 myń jaǵdaıda ólim-jitim men múgedektiktiń aldyn alýǵa múmkindik berdi.
