Ótken jyly 7 myńnan asa laýazymdy tulǵa jaýapkershilikke tartyldy
Ótken jyly quqyqtyq statıstıka organdary 28 myń qadaǵalaý is-sharalaryn júrgizdi, 49 myńnan astam túrli buzýshylyqtar anyqtaldy, prokýrorlyq qadaǵalaýdyń 3 myń aktisi engizildi, olar boıynsha 7,6 myń laýazymdy tulǵa jaýapkershilikke tartyldy.
Azamattarǵa 4,8 mln astam memlekettik qyzmet kórsetildi (muraǵattyq anyqtamalar, sottylyq, apostıl qoıý, sybaılas jemqorlyq sııaqty), memlekettik organdardyń 1,2 mln suraý hattary oryndaldy.
Qylmystyq protsestiń úsh býyndy modelin engizgennen bastap qylmystyq qýdalaý organdardyń qyzmetin baqylaý jumystary jaqsardy. Nátıjesinde 2022 jyly qylmystyq protseske negizsiz tartylǵan tulǵalardyń sany 59 myńnan 53 myńǵa deıin qysqardy.
Tekserý sýbektileri men obektileriniń biryńǵaı tizilimi aqparattyq júıesi arqyly bıznes sýbektilerin baqylaýshy organdar tarapynan negizsiz qysymnan qorǵaý qamtamasyz etiledi. Komıtet pen onyń aýmaqtyq organdarynyń prokýrorlary 1050 zańsyz tekserýdiń jolyn kesti.
Ákimshilik is júrgizýlerdiń biryńǵaı tiziliminde elektrondyq formatta 8 mln astam nemese ákimshilik hattamalar men nusqamalardyń 88%-y jasaldy. Ákimshilik aıyppuldardyń óndirip alý paıyzy 78,2%-dy qurap, 120 mlrd teńgeden asty.
Komıtettiń aqparattyq júıeleri arqyly azamattardyń memlekettik organdarǵa onlaın shaǵym berýge, ákimshilik aıyppuldardy tóleýge, al bıznes zańsyz tekserýler týraly aqparat berýge múmkindigi bar.
Sonymen qatar halyq úshin quqyqtyq aqparattyń ashyqtyǵyn qamtamasyz etetin «Qamqor.gov.kz» jarııa portaly qyzmet atqarady. Komıtettiń servısteri arqyly azamattar polıtsııaǵa ótinish beredi jáne onyń qaralýyn qadaǵalaıdy, kóliktiń jol-kólik oqıǵalarda qatysýyn tekseredi, óńirdegi krımenogendik ahýal jáne joldardaǵy apattyń jaı-kúıi týraly geokartalar boıynsha málimetterdi alady.
